തൊ​ടു​പു​ഴ:​ മ​ദ്യ​പി​ച്ചു​ള്ള ഡ്രൈ​വിം​ഗും വാ​ഹ​ന​മോ​ടി​ക്കു​ന്ന​തി​നി​ട​യി​ൽ ഉ​റ​ങ്ങു​ന്ന​തും മൂ​ല​മു​ണ്ടാ​കു​ന്ന അ​പ​ക​ട​ങ്ങ​ൾ സൃ​ഷ്ടി​ക്കു​ന്ന​ത് ചി​ല്ല​റ പ്ര​ശ്ന​മ​ല്ല. ഇ​തി​നു പ​രി​ഹാ​ര​മാ​ണ് വെ​ള്ളാ​രം​കു​ന്ന് സെ​ന്‍റ് മേ​രീ​സ് എ​ച്ച്എ​സ്എ​സി​ലെ അ​ല​ൻ​ സ​ജി​യു​ടെ​യും അ​തു​ൽ ഗീ​വ​ർ​ഗീ​സി​ന്‍റെ​യും വ​ർ​ക്കിം​ഗ് മോ​ഡ​ൽ. ഇ​തി​നു നി​മി​ത്ത​മാ​യ​ത് ഇ​വ​രു​ടെ സ​ഹ​പാ​ഠി​യാ​യ ജോ​ബ​ൽ സാ​ജു​വി​ന്‍റെ നി​ർ​ദേ​ശം.

ജോ​ബ​ലി​ന്‍റെ ബ​ന്ധു​ക്ക​ൾ സ​ഞ്ച​രി​ച്ച വാ​ഹ​നം അ​ടു​ത്ത നാ​ളി​ൽ ബം​ഗ​ളൂരു​വി​നു സ​മീ​പം അ​പ​ക​ട​ത്തി​ൽ​പ്പെ​ട്ടി​രു​ന്നു. വാ​ഹ​നം ത​ക​ർ​ന്നെ​ങ്കി​ലും യാ​ത്ര​ക്കാ​ർ പ​രി​ക്കു​ക​ളോ​ടെ ര​ക്ഷ​പ്പെ​ട്ടു. വാ​ഹ​ന​മോ​ടി​ച്ച​യാ​ൾ ഉ​റ​ങ്ങി​പ്പോ​യ​താ​ണ് അ​പ​ക​ട​ത്തി​നു കാ​ര​ണ​മാ​യ​ത്. ഇ​തോ​ടെ ജോ​ബ​ലും കൂ​ട്ടു​കാ​രും ചേ​ർ​ന്ന് ഇ​തി​നു പ​രി​ഹാ​ര​മാ​ർ​ഗം ക​ണ്ടെ​ത്തു​ക​യാ​യി​രു​ന്നു. ജോ​ബ​ൽ മ​റ്റു മ​ത്സ​ര​യി​ന​ത്തി​ൽ ഉ​ണ്ടാ​യി​രു​ന്ന​തി​നാ​ൽ അ​ല​നും അ​തു​ലും ചേ​ർ​ന്നാ​ണ് മോ​ഡ​ൽ അ​വ​ത​രി​പ്പി​ച്ച​ത്.

മ​ദ്യ​പി​ച്ച് വാ​ഹ​നം സ്റ്റാ​ർ​ട്ട് ചെ​യ്യാ​ൻ ശ്ര​മി​ച്ചാ​ൽ സ്റ്റാ​ർ​ട്ടാ​കി​ല്ല എ​ന്ന​താ​ണ് ഒ​രു പ്ര​ത്യേ​ക​ത. ഡ്രൈ​വ​ർ ഉ​റ​ങ്ങി​യാ​ൽ വ​ലി​യ ശ​ബ്ദ​ത്തി​ൽ അ​ലാ​റം മു​ഴ​ങ്ങു​ന്ന​തോ​ടെ ഇ​യാ​ൾ​ക്ക് ഉ​ണ​രാ​നും ക​ഴി​യും. കൂ​ടാ​തെ വാ​ഹ​ന ഉ​ട​മ​യു​ടെ മൊ​ബൈ​ൽ​ഫോ​ണി​ലേ​ക്ക് സ​ന്ദേ​ശ​വു​മെ​ത്തും. ചെ​റി​യ അ​ള​വി​ൽ മ​ദ്യം ഉ​ള്ളി​ൽ​ച്ചെ​ന്നാ​ൽ പോ​ലും വാ​ഹ​നം സ്റ്റാ​ർ​ട്ടാ​കി​ല്ല. ഇ​എ​സ്പി മൊ​ഡ്യൂ​ൾ ക​ത്തി​യ​തി​നാ​ൽ ജോ​ബി​ന് മ​ത്സ​ര​ത്തി​ൽ പ​ങ്കെ​ടു​ക്കാ​നാ​യി​ല്ല. പ​ത്താം ക്ലാ​സ് വി​ദ്യാ​ർ​ഥി​ക​ളാ​ണ് മൂ​വ​രും.